الثلاثاء، 12 يوليو، 2011

ايه[ ضَـايـِـقه ] مـِـن غـِيابـكْ ..و مـَـات فيـِـنـي

  





غـيمـه مــرَّت في حيــاتي .. والرَعَـد خوَّف غـزال ..
وضــاقت الدنيا بـ عــيني يا بـعـد كل " الـغـوالي " ..!


رحـت أدَوْرِك في جـنوبي ليـن وصَّلت الشـمال ..
والمصيبه .. إنَّ { قلـبي } ما هَـرَب منّك وجــالي !


هذا آنــا .. اللي دوَّرتك وعــاااندت " المُــحال " ..
ما لقـيـتك ! ويـنك إنت ؟! ما لقـيـتك يا مــنالي !


إيييه [ ضـايقه] من غـيابـك ومـات فيني الإحـتمال ..
بس تـأكَّد هذا حــظي .. وهذا في دنـياي فــالي ..!


مـا شكـيت إلا لـ حــالي يوم عذَّبني الوصــال ..
لمَّا دمَّــرني غيابك .. جــرحي الأسود طــرالي ..!


أدري إنِّـك ما تـبالي .. و " "غـيــبتك "أكبر مـثال ..!"
وشي طـبيعي لو جــرحني قـلبـك اللي .. ما وُفـالي !


جـيـت إلى شاطئ خـيالي . . . زايرٍ قـصر الرمـال ..
وإنصـدمت إنَّه تـهـدَّم ! لاحَــرَس يحميه ..و والـي !


ودِّي أكـتب لك قصـيده و ودِّي أرسـم لك هــلال ..!
صفحتين بـ يديا مرهفه حـساسها خــيالـي ..!


وين ودَّتــك الليالي ؟! هذا هو أصـعب ســؤال
وما لـقى قلـبي إجابـه . . . وين ودَّتـك اللــيــالــي !


ترجف أيامي حـبـيبي وصـارت الفرحـه " مــحُال " ..!
بـردك اللي ما رَحَـمني.. شوووف منّه وش جــرالي !


ما بقـى أي شي [ غـالـي ] .. وضعت في كلمة ( تــعال ) ..!
وما ذبـحني غـير إنِّك . . . . . يا بعد دنـياي " غـااالي " ..!


لا بغى يـتركني قلبك .. تكـفى وصَّـهـ بالعــدال !
إبـعد شـويَّه .. وإرجع .. وإبعد .. وإقــطع وصـالـي ..!


ليه يعـني في البدايه جيت . . يسْـبـقْك الدلال ؟!
وليه [ تتقـد ] غــرامي وتنثر بـ إيـدك " دلالــي " ..!


قلت لك : ما أبـي أحـبـك ..
قلـبي عاندني وحـبِّك ..


كيف أعــزِّل عن ديــارك ومــا قـوى قلبي الرحــال ؟!
ما صمل قلبي فراقــك .. وكانت ديــارك " "رحــالي " ..!"


كيف أجاوب من ســألني وآنا في حــالة .. ضــلال ..
ويــنه عـنّك من تحبه ؟! والســؤال بصــوت عاالــي ..!


قلت ما أســمَــع .. وعــاد الكـلمــه مرَّاتـٍـ وقــال :
لا إتّهَـرَّبْ من ســؤالي .. لا إتّهَـرَّبْ من ســؤالي ..!


وين ودَّتـه الليالي ؟! حيييل يحرجـني [ الســؤال ] ..
والمُصـيـبه إنِّي مــدري ..! ويـن ودّتــك اللــيــالي





هناك 4 تعليقات:

  1. ترجف أيامي حـبـيبي وصـارت الفرحـه " مــحُال " ..!
    بـردك اللي ما رَحَـمني.. شوووف منّه وش جــرالي !

    ؛؛
    ؛
    شوف بعينك سنيني شوف فيني كل حال
    صار طاريك وسؤالك صار وينك ياغالي
    العمر ياكل عمري صار بعضه خيال
    يوم اتصور حضورك وانادي بصوت عالي
    خاطري اقول احبك ..خاطري اقولك تعال
    وأنت تقولي ياعمري قربي مني تعالي "
    ؛؛
    ؛
    عزف المشاعر
    صح لسانك
    وسلم إحساسك قمة الروعة
    وأعذري محاولاتي الشعرية :) "
    ؛؛
    ؛
    لروحك عبق الغاردينيا
    كانت هنا
    reemaas

    ردحذف
  2. قصيدة جميلة والأجمل الإحساس العالي بها .


    باقة شكـر

    ردحذف
  3. مدونتكـ جميلة بكل المقايس
    احرفكـ تضيئ صفحاتكـ
    تقبلي طلتي
    ودي

    ردحذف
  4. ريـــماااس
    آرثـــر رامبو
    عبــــدالله

    ليسس بجديد حضوركم المزهر على مدونتي
    يشرفني كل حرف تخطه اناملكم فهو يزيد من اصراري وحماااسي كونوا بالقرب ددوما
    فبوجودكم تزداد مدونتي جمالا وتألقا

    -- كل الود لكم احبتي --

    ردحذف